کوئٹہ(پاکستان نیوزپوائنٹ15جنوری2018ء) مسکوہی وزیراعلیٰ پنجاپ و پاکستان مسلم لیگ (ق) نا بنجائی سروک ء چوہدری پرویز الٰہی پارنے کہ وزیراعلیٰ بلوچستان میر عبدالقدوس بزنجو نا کماشی ٹی بلوچستان کرپشن نا پا ک مریک ا ،وزیراعلیٰ نا گیج کاری و بے پتی تحریک سرسہب جوڑ کننگ کے جمعیت علماء اسلام نا سروک مولانا فضل الرحمن ،بلوچستان نیشنل پارٹی مینگل،عوامی نیشنل پارٹی ،سینیٹر میر اسرار اللہ زہری و پاکستان مسلم لیگ(ن) نا باسکاتا اسمبلی نا بشخنداری ءِ ارفے ، نن کل ءِ مسلم لیگ جماعت آکے اسہ جا کننگ ءُ ،میر عبدالقدوس بزنجو نا سر سہبی پاکستان مسلم لیگ (ق) نا کارندہ غاتیکن بھلو خوشخبری اس ءِ ۔
دا ہیت ءِ او دوشمبے نا دے کہ وزیراعلیٰ بلوچستان میر عبدالقدوس بزنجو ،سینیٹر کامل علی آغا،طارق بشیر چیمہ،صوبائی وزیر زراعت شیخ جعفرخان مندوخیل،سینیٹر روبینہ عرفان ،وزیراعلیٰ کے سلاکارہ برائے ایکسائز وٹرانسپورٹ میرعبدالکریم نوشیروانی ،سلاہ کار خزانہ ڈاکٹر رقیہ ہاشمی تون اوار وزیراعلیٰ سیکرٹریٹ ٹی پریس کانفرنس ان تران کریسہ کرے ۔
چوہدرہی پرویز الہٰی پارے کہ بلوچستان نا الس و سیاسی جماعت آتا کماشی تون اوار نن تون اسہ گیجین او و خڑکی نا تعلقداری ئس ارے ۔ پوسکوگچین مروک آ وزیر اعلیٰ میر عبدالقدوس بزنجو کم مد ٹی بلوچستان کن اسے ڈٹ ہلگ کاہک ہرادے الس مدام یات تخیک۔ او پارے کہ باسک اسمبلی کس ءِ ہم باسک صوبائی اسمبلی قائد ایوان جوڑ کننگکیرہ ۔ بلوچستان نا سیاسی و جمہوری جماعت آک پاکستان مسلم لیگ (ق) نا میر عبدالقدوس بزنجو ء وزیر اعلی ٰ گچین کرسہ دور اندیشی و سیاسی بلوغٹ نا ثبوت تسونو۔
ہراڑان مچ آ پارٹی نا کانداہ غاک باسک ءِ اسمبلی تا مشکور ہو، دا وخت آوزیر اعلیٰ بلوچستان میر عبدالقدوس بزنجو چوہدری پرویز الہی نا کماشی ٹی پاکستان مسلم لیگ (قٌ) نا ڈل اتون خیر مقدم ءِ کرسہ پارے کہ ملک و قوم کن چوہدری پرویز الہٰی نا دیرینہ خذمت اتیٹی اینو او نا پارٹی آن بلوچستان اٹی وزیر اعلیٰ گیجین کننگانے۔او تینا اراغا و تینا حکومت آ بسونے ، میر عبدالقدوس نزنجو پارے کہ بلوچستان اسمبلی تینا ائینی مد ءِ پورو کیک۔
