اسلام آباد(پاکستان نیوز پوائنٹ 05ستمبر 2016ء) ایوان بالا کوئٹہ ٹی دہشت گردی نا واقعہ نا برخلاف مذمتی قرارداد ءِ منظور کرے، قرارداد اٹی پاننگانے کہ دا وڑنا جلہو آتیان قوم انا دہشت گردی نا برخلاف عزم ءِ نزور کننگ مفک۔ دوشنبے آ ایوان بالا نا دیوان نا وخت آ قائد ایوان سینیٹر راجہ ظفرالحق قرارداد پیش کرے ہراٹی پاننگاکہ دا ایوان کوئٹہ ٹی دہشت گردی نا واقعہ نا ترندی اٹ مذمت ءِ کیک ہراٹی سینیٹر جہانزیب جمالدینی نا مار و وکیل آتون اوار کیہی جانک زیان مسر۔
ایوان بالا دا واقعہ ٹی تپاخت کروک آ خاہوت آتون دلی ہمدردی و ہڑزخواہی نا درشانی ءِ کیک۔ قرارداداٹی پاننگاکہ ایوان وکلاء ، کانود نافذ کروک آ ادارہ ، سول سوسائٹی نا باسک ، صحافی تتون اوار غٹ اتون یکجہتی نا درشانی ءِ کیک، دا ایوان سینیٹر جہانزیب جمالدینی نا غم اٹی بریبر نا شریک ءِ۔ قرارداد اٹی پاننگانے کہ دا وڑنا جلہو آتیان قوم انا دہشت گردی نا برخلاف عزم ءِ نزور کننگ مفک۔ چیئرمین قرارداد آ ایوان نا رائے ءِ دوئی کرے۔ ایوان قرارداد نا امنائی اٹ منظوری ءِ تس۔
