شکرکانڈیل ءِ دھکانانی زارشانی ء ُ شکرکانڈیل ءِ بہا نہ گرگ ءِ ھوالگءَ تپاک نامہ دیمءَ آرگ بہ بیت، راجی اسمبلیءِ اسپیکر

اسلام آباد(پاکستان نیوزپوائنٹ 12دسمبر2017ء) راجی اسمبلی ءِ اسپیکر سردار ایاز صادق ءَ گشتگ کہ شکرکانڈیل ءِ دھکانانی زارشانی ء ُ شکرکانڈیل ءِ بہا نہ گرگءِ ھوالگءَ تپاک نامہ دیمءَ آرگ بہ بیت۔ سئے شمبےءِ روچءَ راجی اسمبلی ءِ تہا پیپلز پارٹی ءِ باسک عبداستار بچانی ءَ نکتہ اعتراض ءِ سرءَ گشتگ کہ مارا کشتء ُ کشاریءَ را سبسڈی دیئگ لوٹ ایت ، شکرکانڈیل ءِ سرءَ سندھ ء ُ پنجاپ ءَ زارشانی بوھگءَ اِنت، 130کلدار من دیئگ بوھگءَ اِنت کہ کم اِنت، اے ھوالگءَ پالیسی جوڈ کنگ بہ بیت۔ ایشی ءِ سرءَ اسپیکر سردار ایاز صادق ءَ عبدالستار بچانی ءَ را گشتگ کہ آ شورء ُ صلہ بہ کنتء ُ اے ھوالگءَ تپاک نامہ دیمءَ بیاریت۔