پاکستان ریلویز ءِ مسافر آنی آسراتی ءِ ھاترءَ اولی گامگیج، ریلوے اسٹیشن آنی جوانء سمھبائنگ ءَ ھوار ریلوے ریزرویشن کارگساناں ھم اپ گریڈ کنگ بوھگءَ اِنت

اسلام آباد(پاکستان نیوزپوائنٹ 11دسمبر2017ء) پاکستان ریلویز ءِ مسافر آنی آسراتی ءِ ھاترءَ اولی گامگیج، ریلوے اسٹیشن آنی جوانء ُ سمھبائنگ ءَ ھوار ریلوے ریزرویشن کارگساناں ھم اپ گریڈ کنگ بوھگءَ اِنت ۔ اے ھوالگءَ انوں راولپنڈی ریلوے اسٹیشن ءِ سرءَ جدید ریزویشن کارگسءِ بنگیج کنگ بوتگ۔ کہ کمء ُ گیش 4000مسافرآناں آسراتی دنت۔ کارگسءِ تہا بنجاھی ائرکنڈیشننگ نظام جنگ بوتگ ء ُ جدید ڈیجیٹل مانیٹرز ، لیپ ٹاپس ء ُ برقی بورڈ جنگ بوتگ اَنت۔ حکومت ریلوے مسافر آنی سرءَ ھاس دلگوشی کنگءَ اِنت تنکہ آھاں ھاسیں آسراتی پھجارینگ بہ بیت۔ ملکءِ دگہ بازیں شہرآں ھم ریزرویشن کارگسانی اپ گریڈیشن کنگ بوھگءَ اِنت۔ ریل گاڑیانی ھم اپ گریڈیشن ءِ کار بھر بھرءَ کنگ بوھگءَ اَنت۔