پاک چین اقتصادی راہداری سیمسرآنی پابند نیست اِنت،ون بیلٹ ون روڈ منصوبگ آوکیں نسل ءَ پہ ھاسیں سوگات انت، پاکستان مسلم لیگ (ن)ءِ سینیٹر آغا شاہ زیب درانی ءِ ”اے پی پی “ءِ گوما گپ ءُُ تران

کوئٹہ (پاکستان نیوزپوائنٹ 06دسمبر2017ء) پاکستان مسلم لیگ (ن)ءِ راھشُون سینیٹر آغا شاہ زیب درانی ءَ پاک چین اقتصادی راہداری منصوبگ ءَ را پاک چین دوستی ءُُ ملکی دیمروئی ءُُ وشھالی ءِ یک ھاسیں منصوبگ قرار داتگ ءُُ گوشتگ کہ سی پیک ایوک شاھدگ ءِ منصوبگ نیست اِنت بلکہ اقتصادی راہداری چاگردی ءُُ زرکاری دیمروئی ءِ منصوبگ ءِ ھاترا فریم ورک انت۔

پاک چائنا اکنامک کوریڈورسیمسرآنی پابند نیست اِنت۔ون بیلٹ ون روڈ منصوبگ آوکیں نسل ءَ پہ ھاسیں سوگات اِنت۔اے ھیالانی درشان آہاں چار شمبے ءَ ”اے پی پی “ءِ گوما ھاسیں گپ ءُُ تران کنان ءَ گوشتگ انت۔سینیٹر آغاشاہ زیب درانی ءَ گوشت کہ پاکستان ءُُ چین سوگو ءِ راھبنداں ھوار انت ،سی پیک ءَ چہ ملکی زرکاری دگنیا ءِ مھکمیں معیشت آنی لڑ ءَ اوشتاتگ انت،بنجاہی حکومت ءِ راستیں ڈنی پالیسی ءُُ اُلس دوست گامگیج آنی سبب ءَ 56ارب ڈالر ءِ ملکی راجدپتر ءِ درستاں چہ مستریں زرکاری سی پیک ءِ دروشم ءَ اتکگ۔

آہاں گوشت کہ مزن وزیر شاہد خاقان عباسی ءِ دلیریں راھشونی ءُُ گوست مزن وزیر ءُُ پاکستان مسلم لیگ (ن) ءِ سروک میاں محمد نواز شریف ءِ وژن ءِ سبب ءَ گیم چینجر پاک چین اقتصادی راہداری ءِ واب حقیقت ءَ بدل بوتگ ءُُ سی پیک ملک ءَ را معاشی پِڑ ءَ مھکم جوڈ کنگ ءِ ھاترا ھاسیں کرد پیلو کنت۔ سینیٹر آغا شاہ زیب درانیءَ گوشت کہ پاکستان ءُُ چین پکہ ءِ دوست انت،سی پیک ءِ56ارب ڈالر ءَ گوں ملک ءِ تہ دیمروئی ءِ بازیں در پچ بنت وھدیکہ دوئیں دوست ملکانی نیام ءَ اقتصادی کمک ءِ ودکی ءَ گوں خطہ ءِ تہ ءَ وشیں بدلی ءِ بنداتی بیت۔(ن۔ا۔ج، الف۔الف)