بھوربن (پاکستان نیوز پوائنٹ یکم ستمبر 2016ء) د اطلاعات، خپرونو او قامی ورثې وفاقی وزیر سناتور پرویز رشید وئيلي دي عمران خان سیاست نه پاکستان سره خیانت کوي ، د ستمبر په 3مه نيټه دھرنا كونكې د پرویزمشرف احتساب ولي نه كوي ، پرویزمشرف چې د هيواد خرڅولو كومې پېسې راوړې د هغې حساب به ترې څوك اخلي ، مونږ د چا د مینډیټ پھ لار كښی خنډان نه يو جوړ شوي ، مونږ د 2013 ټاكنو نتيجې منلي او چا چې چرته اکثریت ترلاسه كړې هلته مو هغوي له د حکومت حق وركړے ، په سړكونو سیاست کونكې دې يو كال نور صبر وكړي ، 2018ء ټولټاكنو كښې به اولس د ووټ د لارې احتساب وكړي ، 2018 ټولټاكنې به د رښتيا او کارکردګۍ په بنیاد كولې شي ، د مخالفینو سوچ منفی دے، اولس ته تل د بربادۍ داستانونه اوروي ، هغوي دې په سړكونو احتجاج کوي ، مونږ به سړكونه جوړوو ، د پينډۍ يو كس په كوم اختیار د 20 كروړه اولس د ټاكلې حکومت ختمولو خبره كوي ۔
ده د زيارت په ورځ د آل پاکستان ورځپاڼو خرڅونكې فیډرېشن سوګند پورته كولو دستوې ته خطاب کولو ۔ وفاقی وزیر ووئيل مونږ زيات پرمختګ او امن غواړو ۔ ده ووئيل 2013ء كښی چې كله وزیراعظم نواز شریف له حکومت وركړې شو نو هغه وخت پاکستان د ترهه ګرۍ ، برېښنا كمي ، تعلیم او روغتيا غوندې مسئلو سره مخ وو ۔ ده ووئيل د نن پاکستان 2013ء نه زيات بهتر دے،هيواد كښې د برېښنا کارخانې جوړېږي ،په پرمختيائي پروژو تندۍ سره كار روان دے ۔
ده ووئيل پاکستان بيا عدم استحکام سره مخ كوونكې وزیراعظم نواز شریف له د پرمختګ سزا وركول غواړي ۔ وفاقی وزیر ووئيل 2013ء كښې برباد پاکستان راكړې شوې وو چا چې برباد كړې وو هغه ته سیلوټ بيا وكړې شو ۔ ده ووئيل د نواز شریف سره احتساب کوونكې د پرویزمشرف سره ولي د احتساب خبره نه كوي چا چې د افغانستان جنګ كولو له اربونو ډالره اخستي ، پاکستان ته ئې زيان رسولې ، ده ووئېل د پاکستان هوائي ميدانونه ئې وركړي ۔
ده ووئيل پرویزمشرف هيواد خرڅ كړې او د دې په عوض چې كومه پیسې ترلاسه شوې بايد د هغې احتساب وكړې شي۔ ده ووئيل مونږ د مفاهمت سیاست کړې ،د هغې په ځواب كښې مونږ له پېغورونه راكړې كېږي۔ ده ووئيل د عمران خان ګوند ته په کے پی کے كښې اکثریت ترلاسه نه وو ،كه مونږ غوښتلې نو مولانا فضل الرحمن، آفتاب شیرپاؤ او نورو ګوندونو سره په ګډه مونږ هلته حکومت جوړولې شو ۔
ده ووئيل سندھ كښې پیپلز ګوند ته اکثریت ترلاسه وو هغوي له مو د حکومت کولو موخه وركړه ، ده ووئېل دغسې آزاد کشمیر كښی هم د پی پی پی حکومت وو هغوي مو د عدم استحکام سره مخ نه كړه او بلوچستان كښی چې چا ته اکثریت ترلاسه وو هغوي له مون حکومت وركړو۔ ده ووئيل وزیراعظم محمد نواز شریف پاکستان له امن، استحکام او سوكالي وركړي۔ وفاقی وزیر ووئيل مونږ به خپلو بچو له داسې پاکستان وركوو چرته به چې تعلیم او صحت وي او د نړۍ په وکټری سټینډ به د پاکستان بچې ولاړ وي۔
وفاقی وزیر ووئيل د ورځپاڼو یونین كښې جمهوریت دے، د هغوي جائز غوښتنو له ېه اړوندو چارواكو سره خبره كولې شي۔ وفاقی وزیر ووئيل د وفاقی کابینې په غونډه كښی دا پريكړه شوې چې د کم آمدن لرونكو وګړو مرسته به كولې شي ۔ ده ووئيل ورځپاڼې خرڅونكې زمونږ غږ اولس ته رسوي ۔ده ووئيل اجتماعی پرمختګ او سوكالۍ له ضروري ده چې اولس له د تعلیم، صحت، روزګار اسانۍ وركړې شي ۔ ده ووئيل زيات پرمختګ له امن ته اړتيا ده ۔ ده ووئيل وزیراعظم محمد نواز شریف په مشرۍ كښې هيواد تندۍ سره پرمختګ كوي او په لويو پروژو كار په تندۍ سره روان دے۔
