ملکءِ صدر ممنون حسین ءَ میجر اسحاق ءِ شہید بوھگءِ سرءَ دلپدردیءِ درشانی

اسلام آباد(پاکستان نیوزپوائنٹ22نومبر2017ء) ملکءِ صدر ممنون حسین ءَ میجر اسحاق ءِ شہید بوھگءِ سرءَ دلپدردیءِ درشانی کتگء ُ گشتگ کہ آئیءَ ناشرکاری ءَ راپروش دیئگءِ ھاترءَ شہادت ءَ را وتی کتگ۔ میجر اسحاق ءِ ملکءِ ھاترءَ قربانی مُپت نہ بنت۔ چارشمبے ءِ روچءَ یک بیانے ء ِ تہا آئیءَ گشتگ کہ مئے سلاھ بندیں فوج ء ُ دگہ سکیورٹی ادارگ آں ملکءِ ھاترءَ بازیں قربانی داتگ۔ آئی ءَ گشتگ کہ ملکءَ چہ ناشرکاریءَ راھلاس کنگءِ ھاترءَ سرجمیں ملک ءِ تہا ردالفساد آپریشن جاری اِنت ء ُ تاں گڈی ناشرکارءِ ھالاسی ءَ اے آپریشن جاری بیت۔ ملک ءِ صدر ءَ میجر اسحاق ءِ ماتء ُ پت ء ُ ھاندانءِ گوما دلپدردیءِ درشانی کتگء ُ شہیدءِ مزنیں درجگءِ ھاترءَ دعاکتگ۔