اسلام آباد (پاکستان نیوز پوائنٹ 31اگست 2016ء) بُنجاھی وزیرھزانگ سینیٹر اسحاق ڈار ءَ گوشت کہ بُنجاھی کابینہ ءَ ماہ ءِ ستمر ءِ ھاترا پٹرولیم ءِ اَستیں نیاد آناں برجم دارگ ء، پیسلہ کُت۔ ٹیکس ءِ کار آنی وت مہ وتی انتظامی کمک کنگ ءِ بابت ءَ 14ستمبر 2016ءَ پیرس ءَ او ای سی ڈی ءِ چیر دستی ءَ کنونشن ءِ سر ءَ منوگری دست چنگل ءِ منظوری دیگ بوت، بُنجاھی کابینہ ءَ 29اگست 2016ءَ بوھوکیں اقتصادی رابطہ کمیٹی ءِ پیسلہ آناں داشت، ٹیکس کانود آنی مٹ ءُُ بدلی آردنینس 2016ءُُ پٹرولیم ءِ سر ءَ سیلز ٹیکس ءِ جنگ ءِ منظوری دات پاکستان کمیشن آف انکوائری بل 2016دو ستمبر ءَ قومی اسمبلی ءَ پیش کنگ بیت بُنجاھی وزیر ھزانگ سینیٹر اسحاق ڈار ءِ بُنجاھی کابینہءِ دیوان ءَ پد میڈیا ءَ گوں تران کنان اَت۔
بُنجاھی وزیر اھوالکاری ءُُ شنگ کاری سینیٹر پروز رشید ھم اے موہ ءِ سر ءَ ساڑی اَت۔ بُنجاھی وزیر ءِ ھزانگ ءَ گوشت کہ کابینہ ءَ مزن وزیر ءَ مھکمیں دیمروئی ءِ پروگرام سرجم کنگ ءُُ ٹیکس دُزی کنوک آنی گر ءُُ دار ءِ ھاترا پاکستان چین ءِ نیام ءَ دست چنگلی سیمی پروٹوکول ءُُ بُنیاتی کاگد آنا دست چنگل ءِ منظوری دیگ بوھگ ءَ اِنت۔ کٹ ءِ سر ءَ ٹیکس ءِ بابت ءَ دو رند ءَ ٹیکس ءَ را نہ گرگ ءِ بابت ءَ پاکستان ءُُ سوئٹزرلینڈ ءِ نیام ءَ کنوکیشن ءِ سر ءَ چار ءُُ بچار کنگ بوھگ ءَ اِنت۔
کابینہ ءَ ٹیکس کانود ءِ مٹ ءُُ بدلی آرڈینینس 2016ءُُ پٹرولیم ءِ سر ءَ سیلز ٹیکس ءِ ھم منظوری دات کابینہ ءَ ٹیکس ءِ کانود ءِ مٹ ءُُ بدلی آرڈیننس 2016ءُُ پٹرولیم ءِ سر ءَ سیلز ٹیکس ءِ ٹوٹل کنگ ءِ منظوری دات۔ کابینہ ءَ ری سٹرکچرنگ ءِ بابت ءَ کابینہ کمیٹی ءِ 13دسمبر 2013ءُُ جولائی 2014ءِ دیوان ءَ کتگیں پیسلہ ءُُ کابینہ کمیٹی برائے نجکاری ءِ 26نومبر ، 9دسمبر ءُُّ 12دسمبر 2014ءَ بوتگیں دیوان آنی تہ ءَ پیسلہ آنی منظوری دات۔
ایشی ءَ ابید کابینہ ءَ 10اگست ، 11اگست ، 17اگست ءُُ 2اکتوبر 2015ءَ کابینہ کمیٹی برائے نجکاری ءِ دیوان آنی تہ ءَ کتگیں پیسلہ آناں داشتگ۔ کابینہ ءَ دیوان ءِ تہ ءَ ٹیکس ڈائیری ءِ شنگ کنگ، سیلز ٹیکس ایکٹ 1990ءِ شق 2ءِ جھلی شق(22 اے) ءِ چیر دستی ءَ نوٹیفیکیشن ءُُ انکم ٹیکس آرڈیننس 2001ءِ بابت ءَ شق236 پی ءِ رد ءَ نان فائلرز آنی واستہ کم کتگیں ھولڈنگ ٹیکس ءِ کساس ءِ تہ ءَ تاں 31دسمبر 2016 ءَ گیشی ھوار اِنت۔
آئی ءَ گوشتگ کہ کابینہ ءَ 14ستمبر 2016ءَ پیرس ءَ او ای سی ڈی سیکرٹریٹ ءَ ٹیکس کار آنی تہ ءَ دو نیمگی چن ءُُ لانچی کمک ءِ ھوالگ ءَ کنونشن ءِ سر ءَ دست چنگل منوگری 29اگست 2016ءَ اقتصادی رابطہ کمیٹی یے پیسلہ داشتگ۔ سینیٹر اسحاق ڈار ءَ گوشتگ کہ پاکستان کمیشن انکوئری بل 20162ستمبر ءَ راجی اسمبلی ءَ پیش کنگ بیت۔ اے بل پٹ ءُُ پولی کمیشن ءَ ر اوت واجہ جوڑ کنگ ءِ ھاترا دیم ءَ آرگ بوھگ ءَ اِنت۔
اے بابت ءَ اپوزیشن ءِ نیمگءَ سر ءُُ سوج آناں وش اَتک کنگ بیت۔ بُنجاھی وزیر ءَ گوشتگ کہ بُنجاھی کابینہ ءَ یک ستمبر ءَ چہ پٹرولیم آنی نیاد برجم دارگ ءِ پیسلہ کتگ۔ حکومت ءَ گوستیگیں پنچ ماھ ءَ پٹرولیم ءِ نیاد برجم داشتگ اَنت۔ ھزانگ ءِ وزارت ءَ اے ھوالگ ءَ گوستگیں دو ماھے تہ ءَ دھ ارب کلدار ءِ بار سگ اِتگ۔ اسحاق ڈار ءَ گوشتگ کہ نان فائلرز آنی ھاترا وِد ھولڈنگ ٹیکس ءِ 0.4درسد ءِ کساس ءِ دارگ ءِ وھد تاں 31دسمبر ءَ گیش کنلگ بوتگ ھمے وڑ ءَ پارلیمنٹرینز ٹیکس ڈائریکٹری ءُُ جنرل ٹیکس ڈائریکٹری شنگ کنگ ءِ منگی داتگ۔
ایف بی آر 2015ءِ ٹیکس ڈائریکٹریز آں شنگ کنت ، ایشانی سر ءَ دو ءُُ سے ھپتگ آں کار سرجم کنگ بیت۔ اسحاق ڈار ءَ گوشتگ کہ بُنجاھی کابینہ ءَ سوئٹزر لینڈ ءِ نیمگ ءَ دو نیمگی منوگر ءِ اجازت داتگ اے بابت ءَ ھزانگ ءِ وزارت ءَ وتی ھساب ءَ کار کتگ ۔ سوئٹرز لینڈ ءِ نیمگ ءَ چہ شرط ایر کنگ بوتگ کہ بلے مئے ٹیمب ءِ کوشت آں چہ اے ھوالگ ءَ ھاسیں کار بوتگ۔
ما وتی کار سرجم کتگ نوں سوئس کارندہ آناں وتی ملکئی کانود ءِ رد ءَ کارو۲ائی کنگی اِنت۔ آئی ءَ گوشتگ کہ سوئٹزر لینڈ ءِ گوما دو نیمگی منوگر ءَ چہ آرگنائزیشن آف اکنامک ءَ را آپریشن اینڈ ڈویلپمنٹ (او ایس سی ڈی) دراجیں بُریں منوگر باز جوان اِنت ءُُ اے بابت ءَ ما کوشست کنگ ءَ آں۔ او ای سی ڈی ءَ پاکستان ءَ را کنونشن ءِ باسک جوڑ بوھگ ءِ دعوت داتگ اے ھوالگ ءَ 14ستمبر ءَ دست چنگل جنگ بیت، بُنجاھی کابینہ ءَ ایشی ءِ منظوری داتگ۔
اسحاق ڈار ءَ گوشتگ کہ منوگر ءِ رد ءَ معلومداری گیشاں چہ گیش ارزانیں وڑے ءَ حاصل کنلگ بنت۔ یک چُست ءِ پسو ءَ ھزانگ ءِ وزیر ءَ گوشتگ کہ پٹرولیم آنی نیاد ءِ گیشینگ ماھوار ءِ گوما پانزدہ روچی بُنیاد ءِ سر ءَ کنگ ءِ ھم منظوری دیگ بوتگ، آئی ءَ گوشتگ کہ اوگرا وزارت ءِ پٹرولیم ءِ وسیلگ ءَ نیاد آنی ھوالگ ءَ سمری ھزانگ ءِ وزیر ءَ را دیم دنت کہ ھزانگ ءِ وزارت منظوری ءِ ھاتراا مزن وزیر ءَ را پیش ءِ کنت۔
آئی ءَ گوشتگ کہ اقتصادی رابظہ کمیٹی ءِ گوستگیں سرجمیں پیسلہ آنی سرجمیں لڑ توثیق ءِ ھاترا کابینہ ءَ را پیش کنگ بنت۔ یک دِگہ جُستے ءِ پسو ءَ ھزانگ ءِ وزیر ءَ گوشتگ کہ انکوئری کمیشن ءِ ایکٹ 1956ءِ جاگہ ءَ پاکستان کمیشن آف انکوائری ءِ بل 2016جوڑ کنگ بوتگ کہ ایش وت واجہ بیت۔ اے ملک ءِ ضلورت اِنت ۔ آئی ءَ گوشتگ کہ بُنجاھی کابینہ ءَ پنچ ءُُ دھ کلدارے اشتانُکی ءِ ھم ھاسیں منظوری داتگ آئی ءَ گوشتگ کہ پنچ کلدارے نوکیں نمونگ ءِ 155ملین اشتانُکی وھدیکہ دھ کلدارے اشتانُکی ءِ سر ءَ کار بوھگ ءَ اِنت۔ اے وھد ءَ10ملین اشتانکی جوڑ کنگ بوتگ اَنت۔
