اسلام آباد(پاکستان نیوزپوائنٹ21نومبر2017ء) چین پاکستان اقتصادی راہداری ءِ ھپمتی یکجائی کمک کمیٹی ءِ دیوان سئے شمبے ءِ روچءَ دومی روچءَ ھم جاری بوتگ۔ دیوان ءِ سروکی تہی کارانی بنجاھی وزیر ، منصوبہ بندی ء ُ دیمرئی اصلاحات احسن اقبال ء ُ آئیءِ چینی ھم کچ کنگ ءَ اَنت۔ دیوان ءِ تہا دوھیں ملک آنی نیمگءَ چہ 150مزنیں حکومتی عہدگ دارء ُ زانت کار ھواربوھگءَ اَنت۔
صوبائی سروزیر ، آزاد کشمیرءِ مزن وزیر ، صوبائی سیکریٹریز ء ُ ھاسیں ادارگ آنی سروک ھم دیوانءِ تہا ھوار اَنت۔ دیوان ءِ تہا سی پیک ءِ جاری منصوبہ آنی تپاسی کنگ بوھگء َ اِنت ء ُ نوکیں منصوبہ آنی ھوار کنگءِ سرءَ چارء ُ تپاسی ھم کنگ بوھگءَ اِنت۔ پاکستانءِ نیمگءَ چہ دیوان ءِ اولی رندءَ نجی پڑ، ایو ان صنعت ء ُ بیپاری ءِ نمائندگ ھم ھوار کنگ بوتگ اَنت۔
