انسداد دہشت گردی نا خصوصی عدالت فہد ملک خون کیس انا بنجائی دوبہ دار نعمان کھوکھر ءِ پنچ دے جسمانی ریمانڈ آ پولیس نا حوالہ کرے

انسداد دہشت گردی نا خصوصی عدالت فہد ملک خون کیس انا بنجائی دوبہ دار نعمان کھوکھر ءِ پنچ دے جسمانی ریمانڈ آ پولیس نا حوالہ کرے

اسلام آباد(پاکستان نیوز پوائنٹ 31اگست 2016ء) انسداد دہشت گردی نا خصوصی عدالت جج سید کوثر عباس زیدی مسکوہی چیئرمین سینیٹ میاں محمد سومرو نا بھانجا فہد ملک خون کیس انا بنجائی دوبہ دار کھو کھر ءِ پنچ دے ئی جسمانی ریمانڈ آ پولیس نا حوالہ کرے۔ چارشنبے آ اسلام آباد نا انسداد دہشت گردی عدالت نا جج سید کوثر عباس کیس انا سماعت ءِ کرے۔ بنجائی دوبہ دار نعمان کھوکھر ءِ مسہ دے ئی جسمانی ریمانڈپورو مننگ آ عدالت اٹی پیش کننگا۔

تفتیشی افسر خواست کرے کہ دوبہ دار آن پین تفتیش و کیس انا ایلو دوبہ دارآتا دزگیری کن نعمان کھوکھر نا جسمانی ریمانڈ اٹی ودیکی کننگے ، دوبہ دار تینا سنگت آتون اوار فہد ملک ناخون ءِ کرینے۔ دوبہ دار نعمان کھوکھر نا میڈیکل کپننگ آ عدالت برہمی نا درشانیءِ کرسا پولیس ءِ (اینو) پنچ شنبے اسکان میڈیکل رپورٹ پیش کننگ نا پارت کرے۔ عدالت دوبہ دار نا پنچ دے ئی جسمانی ریمانڈ منظور کرسا دوبہ دار ءِ پنچ ستمبر آ دُوارہ پیش کننگ نا حکم تس۔