اسلام آباد(پاکستان نیوز پوائنٹ 31اگست 2016ء) اسلام آباد چیمبر آف سمال ٹریڈرز نا سرپرست شاہد رشید بٹ پارینے کہ اقتصادی رابطہ کمیٹی نا کنڈآن خولم نا درآمد آ خلوک ریگولیٹری ڈیوٹی ءِ 40 درسد آن ودفسا 60 درسد کننگ نا فیصلہ ستاء کڑزک انتئے کہ داڑآن ہندی کشارگر آتا است بڈی مریک و اوفتے بین الاقوامی منڈی نا زئم آتیان رکھینگ مریک۔ سرپلس سٹاک نا ساڑی گری ٹی نیام ایشیائی ریاست آتیان خولم نا درآمد بزغر آتا مفاد آتا برخلاف ءِ و دافیصلہ آن اونا مون ءِ توننگ اٹی کمک رسینگک۔
شاہد رشید بٹ تینا اسہ بیان اسے ٹی پارے کہ ملک اٹی داوخت اسہ کروڑ ٹن خولم ساڑی ءِ و سبسڈی نا باوجود برآمدات آتیٹی ودکی مفننگ ءِ ہنداخاطران درآمدات آتا حوصلہ شکنی کن ریگولیٹری ڈیوٹی ءِ چل درسد آن ودفسا شست درسد کننگ ملکی مفادآتا رداٹ ءِ ہراڑکن نن وزیر خزانہ اسحاق ڈار نا منت واراُن۔
