اسلام آباد(پاکستان نیوز پوائنٹ 30اگست 2016ء) وزارت سیفران نا کنڈآن فاٹا و فرنٹیئر ریجنز اٹی سے شنبے آ ارٹ میکو دے ہم پنچ سال آن کم وئی چناتے پولیو آن بچفنگ نا پڑی کنفنگ نا مہم برجا سلیس۔ فاٹا سیکرٹریٹ نا کمامدارآتا رداٹ فاٹا ٹی پولیو مہم تدوک آ دے بناء مسوسس ہرا سے شنبے آ ارٹ میکو دے ہم برجاء سلیس، مہم نا وخت آ پنچ سال آن کم وئی نا چناتے پولیو آن بچفنگ نا پڑی کنفنگ انگ ءِ۔
مہم نا چاروکی ءِ فاٹا و فرنٹیئر ریجنز نا کمشنر، پولیٹیکل ایجنٹ آک کننگ ءُ۔ پولیو ورکر نا رکھ اکن لیویز پیراملٹری فورس اناکارندہ ٹیم آتے سیکورٹی تننگ ءُ وخت اس کہ حساس علاقہ غاتیٹی پولیو مہم ءِ سرسہب جوڑ کننگ کن پاکستان آرمی پولیو ٹیم تے سیکورٹی تننگ ءِ۔ کمامدارآتا رداٹ پولیو ٹیم تا یونیسیف و ڈبلیو ایچ او نا ٹیمک مانیٹرنگ کننگ ءُ وخت اس کہ ہر ایجنسی نا تحصیل ہیڈکوارٹر اٹی تعلقدار علاقہ غاتے کن پولیو کنٹرول روم اس اڈتننگانے۔
