وزیر داخلہ چوہدری نثارعلی خان تون آزاد کشمیر نا پوسکن گچین مروک آ صدر مسعود خان نا اوڑدہی

اسلام آباد(پاکستان نیوز پوائنٹ 30اگست 2016ء) وزیر داخلہ چوہدری نثارعلی خان تون آزاد کشمیر نا پوسکن گچین مروک آ صدر مسعود خان اوڑدہی کرے۔ وزارت داخلہ نا کنڈآن سے شنبے آ برجاء بیان نا رداٹ وزیر داخلہ مسکوہی سفیر ءِ صدر آزاد کشمیر گچین مننگ آ مبارکبادی تس۔ اودااومیت نا درشانی ءِ کرے کہ اونا لائخیک آزاد کشمیر نا الس نا جوڑ جاڑ و شون و کشمیر نا ویل ءِ جہانی کہول آ تالان کننگ کن وقف مریرہ۔ وزیر داخلہ پارے کہ کشمیری تا حق خودارادیت نا جہد ءِ ظلم و بیدادی اٹ توننگ مفک۔