اسلام آباد(پاکستان نیوز پوائنٹ 26اگست 2016ء) وزیراعظم محمد نواز شریف ناپارت آتیا فاٹا اصلاحات عمل ءِ مون آ دننگ کن وزیراعظم نا سلاہکار خارجہ امور سرتاج عزیز اسپیکر قومی اسمبلی سردار ایاز صادق و اپوزیشن لیڈر سید خورشید شاہ تون اوڑدہی کرے وخت اس کہ اسپیکر فاٹا نا آخبت کن قومی اسمبلی نا دیوان اٹی شرہ نا بناء کن 2 ستمبر نا تاریخ ءِ مقرر کرینے۔
جمعہ آ وزیراعظم آفس نا کنڈآن جاری بیان نا رداٹ وزیراعظم نا گائیڈ لائن نا پیروی ءِ کرسا وزارت سیفران وزیراعظم کن فاٹا اصلاحات کمیٹی نا مجوزہ سفارشات آتیا ملک گیر کہول آ آراء دوئی کننگ کن لس ویب سائٹ مست آن ہی جوڑ کننگانے۔ اوکان بیدس فاٹا اصلاحات کمیٹی نا رپورٹس ہم غٹ بنجائی وزارت ، وزراء اعلیٰ، جوائنٹ چیفس آف اسٹاف کمیٹی، آرمی چیف ، نیول چیف ، غٹ آرمی کورکمانڈر ز، ڈی جی ایف آئی اے، آئی بی وغیرہ ءِ ہم گدریفنگانے۔
وزیراعظم کمیٹی ءِ کے پی کے نا حکومت و فاٹا ارکان پارلیمان تون بروک آ ہفتہ اوڑدہی کننگ نا ہم پارت کرے۔ اوداہم پارت کرے کہ فاٹا نا بارواٹی قومی کہول آ جامع فیڈبیک ہم دوئی کننگے۔ وزیراعظم پارے کہ فاٹا اصلاحات قومی شون اکن المی ءِ، و داسا نن فاٹا ٹی نیزگاری و کیہی وخت آن نظرانداز کننگ نا معاملہ ءِ چٹفنہ۔ وزیراعظم پارے کہ علاقہ ٹی نیزگاری نا کچ غٹ آن زیات ءِ شونداری ٹک آک کم انگا کہول آٹی ءُ وخت اس کہ داڑے انسانی حق انا حالیت ہم جوان اف۔ اوپارے کہ داوخت ءِ کہ نن فاٹا ءِ سیاسی و اقتصادی بنجائی دنگ اٹی اوار کرسا ملک ایلو بشخ آتا بریبر اتے۔
