وزیراعظم شاہد خاقان عباسی نا مسکوہی وزیراعظم محمد نواز شریف تون اوڑدہی قومی اہمیت نا گیشتر معاملہ و جم اٹنگا حالیت آتیا خیال آتا درشان

لاہور(پاکستان نیوزپوائنٹ22اگست2017ء) وزیراعظم شاہد خاقان عباسی مسکوہی وزیراعظم محمد نواز شریف تون سے شنبے نادے جاتی امراء لاہور اٹی اوڑدہی کرے۔ وزیراعظم آفس نا کنڈآن جاری بیان نا رداٹ اوڑدہی ٹی وزیراعلیٰ پنجاپ محمد شہباز شریف و وزیر خزانہ محمد اسحاق ڈار ئسک ہم ساڑی ئسر۔ اوڑدہی ٹی قومی اہمیت نا گیشتر معاملہ و جم اٹنگا حالیت آتیا خیال آتا درشانی مس۔ شونداری ایجنڈا ءِ برجاتخنگ کن حکومت نا کوشست آتیا ہم ہیت وگپ مس۔ بیان نا رداٹ داوخت آ وزیراعظم پارلیمان نا باسک و پارٹی نا باسک آتون تینا ساڑی آ اوڑدہی تابارواٹی ہم معلومدار کرے۔