پاکستان نا ترکی نا کیہی بشخ آتیٹی دہشت گرد آتا جلہو آتامذمت۔

اسلام آباد۔ 19 اگست (اے پی پی) پاکستان ترکی ٹی وان، بٹلس ، دیارباقروالازچ اٹی دہشت گرد آتا جلہو آتا ترندی اٹ مذمت ءِ کرینے ہراٹی سیکورٹی کارندہ غاتون اوار چندی بندغ آک شہید و ٹھپی مسر۔ جمعہ آ دفترخارجہ نا ترجمان اسہ بیان اسے ٹی پارے کہ حکومت، الس و پدسلوک آ خاہوت آتون دلی ہمدردی و ہڑزخواہی نا درشانی ءِ کرینے و ٹھپی مروک آتا زوت جان جوڑی کن دعا کرے۔ اوپارے کہ پاکستان دہشت گردی نا برخلاف جہد اٹی ترکی تون پورو یکجہتی نا درشانی ءِ کیک۔ اوپارے کہ ننے یخین ءِ کہ ترکی نا الس پبی عزم و حوصلہ اتون دہشت گردی نا لعنت ءِ شکست ایترہ۔ اوپاکستان نا حکومت نا دا عزم انا اعادہ ءِ کرینے کہ پاکستان ہر ڈول نا دہشت گردی نا مذمت ءِ کیک۔