اسلام آباد(پاکستان نیوزپوائنٹ15 اگست 2017ء) وزیراعظم شاہد خاقان عباسی پارینے کہ سی پیک ڈٹ ساڑی حکومت نا اولیت ءِ و او توانائی، بنداوی ڈھانچہ ، ریلوے و ایلو بشخ آتون اوار دا شاندار ڈٹ آتیا پیش رفت نا جندی وڑاٹ چاروکی ءِ کننگ ءِ۔ اوداہیت ءِ سی پیک نا بارواٹی پارلیمانی کمیٹی نا چیئرمین سینیٹر مشاہد حسین سید تون ہیت وگپ کرسا پارے ہرا سے شنبے نادے وزیراعظم آفس اٹی اوڑتون اوڑدہی کرے و سی پیک نا بارواٹی پارلیمانی کمیٹی نا رپورٹ ءِ وزیراعظم ءِ پیش کرے۔
سینیٹر مشاہد حسین سید وزیراعظم شاہد خاقان عباسی ءِ وزارت عظمیٰ نا عہدہ ءِ سنبھالنگ آمبارکبادی تس۔ وزیراعظم پارے کہ سی پیک نئے بیرہ پاکستان بلکن مچ آ ڈیہہ کن گیم چینجر اسے۔ سی پیک نا ڈٹ پاک چین تعلقداری تا سوگوی نا شاہدی اسے و پاکستان کن اسہ تابناک ءُ آخبت اسے نا دوئی ٹی کمکار مریک ۔ وزیراعظم سی پیک ڈٹ آتیا قومی اتفاق رائے ودی کننگ اٹی سی پیک نا بارواٹی پارلیمانی کمیٹی نا کڑد اناستاءِ کرے۔
