اسلام آباد(پاکستان نیوز پوائنٹ 17اگست 2016ء) بنجاہی اسمبلی ءَ ھواریں وڑءَ نیب آرڈیننس ءِ سرا نظر ثانی ءِ ھاترءَ 20باسکی پارلیمانی کمیٹی ءِ وت واجہی سپیکر ءَ دئیگ ءِ تحریک منظور کرت انت۔ ایشی ءِ ردا چیئر مین سینیٹ ءِ مشورگ ءَ نیب آرڈیننس ءِ سرا نظر ثانی ءِ ھاتر ءَ سفارشت تیاری ءِ ھاتر ءَ 20باسکی کمیتی جوڑ کنگ بیت۔ چار شمبے ءَ بنجاہی اسمبلی ءِ دیوان ءِ وھد ءَ بنجاہی وزیر زاہد حامد ءَ تحریک پیش کرتگ کہ اے ایوان سپیکر بنجاہی اسمبلی ءَ اے وتی واجہی بہ دنت کہ بنجاہی اسمبلی ءُُ سینیٹ ءِ ھواریں کمیٹی جوڑ کنگ ءِ وت واجہی بہ دئینت تنکہ آ چیئر مین سینیٹ ءِ مشورگ ءَ نیب آرڈیننس ءِ سرا نظر ثانی ءِ ھاتر ءَ سفارشت کنگ ءِ تیاری ءِ ھاتر ءَ 20باسکی کمیٹی جوڑ بہ کنت۔
کمیٹی وتی سے ماہ ءِ تہا سفارشت ایوان ءَ پیش بہ کنت۔ بنجاہی اسمبلی ءَ تحریک ءِ منظوری داتگ۔
