اسلام آباد(پاکستان نیوزپوائنٹ 16اگست 2016ء) پٹرولیم وقدرتی وسیلہ غاتاوزیر مملکت جام کمال پارینے کہ وزیراعظم نا برخلاف پاکستان تحریک انصاف نا کنڈآن دائر ریفرنس اٹی وزن اف ، تحریک انصاف سیاسی مہم اس چلیفنگ ءِ، بلوچستان اٹی بھارتی نیام تمنگ نا صفا ثبوت ساڑی ءِ۔ سے شنبے آ داڑے پارلیمنٹ ہاؤس نا پیشن میڈیا تون ہیت وگپ کرسا اوپارے کہ پاکستان تحریک انصاف نا کنڈآن دائر ریفرنس اٹی ہچ ءُ راستی اس اف و نہ ہی اوٹی وزن اس ارے۔
تحریک انصاف صرف سیاسی مہم اس چلیفنگ ءِ، پی ٹی آئی بے سہب گیم اس گوازی کننگ ءِ۔ اوپارے کہ بلوچستان پاکستان نا ہمووڑ بشخ ءِ ہراوڑ ملک انا ایلو بشخ آک ءُ۔ بلوچستان نا الس 14اگست ءِ جوش و جوزہ تون اڈتسونو۔ اوپارے کہ بلوچستان اٹی بھارتی نیام تمنگ و دہشت گردی نا صفا ثبوت ءِ۔ منہ دے مست آن مقبوضہ کشمیر اٹی بھارتی فوج انا دوتے اٹ انسانی حق انا سنگین پامالی تیا امریکہ و اقوام متحدہ نا کنڈا ردعمل بسنے ہرانا نتیجہ ٹی بھارت پاکستان نا برخلاف بلوچستان و گلگت بلتستان نا بابت بیان تننگءِ۔ اوپارے کہ پاکستان کشمیری تا اخلاقی ، سیاسی و سفارتی مخ تفی ءِ برجاء تخک۔
