اسلام آباد (پاکستان نیوزپوائنٹ 30جون2017ء) میر پور ماتھیلو ءَ راجی دگ ءِ سر ءَ آئل ٹینکر ءِ چپ بوتگ۔جندی ٹیلی ویژن ءِ رد ءَ میر پور ماتھیلو ءَ راجی دگ ءِ سر ءَ کروڈ آئل ءَ چہ پُریں ٹینکر ءِ چپ بوتگ ایشی ءِ سبب ءَ دگ ءَ را بندش جنگ بوتگ۔ ملتان ءَ چہ کراچی ءَ روکیں آئل ٹینکر ءَ کروڈ آئل لوڈ بوتگ اناگہ ءَ یک وئیل ءِ ئے سبب ءَ چپ بوتگ ءُُ کروڈ آئل تچگ ءَ بندات بوتگ۔
وئیل ءَ چہ پد فائر ٹینڈرز آناں لوٹ کنگ بوتگ ایش کروڈ آئل ءِ سر ءَ آپ ریچگ ءَ اِنت۔ وئیل ءَ چہ پد راجی دگ ءَ را ادارُک ءِ واستہ بند کنگ بوتگ۔ وئیل ءِ جاھ ءَ پولیس ءِ بازیں سپاھیگ ءِ اوشتارینگ بوتگ۔ یات دارگ بہ بیے کہ ائید ءَ چہ یک روچ ءِ پیسر بہاولپور ءِ دمگ احمد پور شرقیہ ءَ دگ ءِ سر ءَ آئل ٹینکر ءِ چپ بوھگ ءَ پد ٹینکر ءِ ترگ ءِ سبب ءَ سد آنی کساس ءَ مرد م بیران بوت اَنت اے مردم ھمے کپتگیں ٹینکر ءَ چہ پٹرول یکجاھ کنگ ءَ بوتگ آں ، اے وئیل ءِ تہ ءَ انوگ ءَ تاں 174مردم بیران بوتگ ءُُ سد آنی کساس مردم ٹپیگ بوتگ اَنت۔
