حکومت و سیکورٹی فورسز آک ملک ءِ دہشت گردی آن پوروی وڑاٹ پاک کننگ کن پرعزم ءُ، پرویز ملک

اسلام آباد (پاکستان نیوزپوائنٹ 15 اگست2016ء) پاکستان مسلم لیگ(ن) نا راہشون محمد پرویز ملک پارینے کہ ساڑی آ حکومت ملکی معیشت ءِ پین شون تننگ اٹی بھاز است خواہی تخک۔ ریڈیو پاکستان تون ہیت وگپ کرسا اوپارے کہ پاکستان مسلم لیگ (ن) نا ساڑی آ حکومت ملک اٹی ساڑی غٹ وسیلہ غاتے کاریم اٹ ہتسا غٹ ویل آتے ایسر کننگ نا کوشست کننگ اٹی ءِ۔ اوپارے کہ حکومت لس بندغ نا حالیت ءِ گچین و معیشت ءِ سوگو کننگ کن کیہی گام گیج کننگ اٹی ءِ۔ ملکی حالیت آتیا ہریفوک آ سوج انا ورندیءِ ترسا اوپارے کہ ملک اٹی امن و ایمنی نا جمی حالیت آک کنٹرول اٹی ءُ۔ اوپارے کہ ساڑی آ حکومت و سیکورٹی فورسز آک ملک ءِ دہشت گردی آن پوروی وڑاٹ پاک کننگ کن پرعزم ءُ۔