اسلام آباد (پاکستان نیوزپوائنٹ 15 اگست2016ء) چیف الیکشن کمشنر جسٹس (ر) سرداررضاخان پارینے کہ جوڈیشل کمیشن نا پیدواری نا رداٹ الیکشن کمیشن نا آفیسر آتا تربیت نا بناءِ کرینے ، آفیسر آک ادارہ نا تقدس کن کڑدادا کیر۔ اودوشنبے آ داڑے الیکشن کمیشن نا افسر آتا کچ اٹی ودکی نا تربیتی پروگرام نا افتتاح نا وخت آخیال آتا درشانی ءِ کریکہ۔ داوخت آ الیکشن کمیشن نا ہر چار آ باسک آک و سیکرٹری الیکشن کمیشن بابریعقوب ہم ساڑی ئسر۔
الیکشن کمیشن نا افسرآتا کاریم نا کچ اٹی ودکی کن تربیتی پروگرام نا دا اولیکو بیج ءِ ہرانا تربیت نا بناء دوشنبے آ مسنے۔ چیف الیکشن کمشنر جسٹس (ر) سردار رضاخان پارینے کہ الیکشن کمیشن نا آفیسر آتا تربیت اصلاحات آتا کنڈآ اسہ گام اسے۔ جوڈیشل کمیشن افسرآتا تربیت نا پیدواری ءِ کریسس، آفیسر آتا تربیت آ سوج چست مسکہ۔ اوآفیسر آتون پارے کہ او ادارہ نا تقدس ءِ گچین جوڑ کننگ کن کڑدادا کیر و گچین کاری کانود و اسٹریٹجک پلان آ عملدرآمد ءِ باوری جوڑ کیر، داپروگرام اٹی 28 آفیسر شریک ءُ۔
