اسلام آباد (پاکستان نیوزپوائنٹ 10اگست 2016ء) بنجائی وزیر داخلہ چوہدری نثارعلی خان نا پارت آتیا ایف آئی اے اشتہاری و عدالتی نروک آتا برخلاف جاری کریک ڈاؤن نا وخت آ پین دوبہ دار آتے دزگیر کرینے۔ ترجمان نا رداٹ چارشنبے آ ڈائریکٹر ایف آئی اے لاہور نا سروکی ٹی ایف آئی اے نا ٹیم اشتہاری دوبہ دار رضوان الحسن ولد اصغرعلی، ساکن ٹوبہ ٹیک سنگ ءِ دزگیر کرے۔
دوبہ دارنا برخلاف 23جون 2014ء آ ایف آئی آر نمبر 241/14درج مسوسس۔ دوبہ دار پیشن ناملک انا آسرہ ترسا دونیم لکھ روپئی مچ کریسس۔ ایلو کارروائی نا وخت آ ایف آئی اے نا ٹیم اشتہاری دوبہ دار طارق محمود ولد عبداللہ خان ساکن کریم پورہ لالہ موسیٰ ءِ دزگیر کرینے۔ دوبہ دار نا برخلاف 2012 ء ٹی مقدمہ درج کننگاسس ۔ ایف آئی اے ٹیم مسٹ میکو کارروائی نا وخت آ محمد اسرار ولد محمد نواز ساکن نیوٹاؤن شپ لاہور ءِ دزگیر کرینے۔ دوبہ دار نا برخلاف 2015ء ٹی مقدمہ درج کننگاسس ہراٹی اودے اشتہاری دوبہ دار گوندنگاسس۔
