وزیراعظم محمد نواز شریف سی ایم ایچ کوئٹہ نا دورہ ءِ کرے م، دہشت گرد جلہو اٹی ٹھپی مروک آتا جان پڑسی ءِ کرے

کوئٹہ (پاکستان نیوز پوائنٹ 08 اگست 2016ء) وزیراعظم محمد نواز شریف دوشنبے آ سی ایم ایچ کوئٹہ نا دورہ ءِ کرے و دہشت گرد جلہو اٹی ٹھپی مروک آتا جان پڑسی ءِ کرے۔ بری فوج انا سروک جنرل راحیل شریف ، وزیراعلیٰ بلوچستان نواب ثناء اللہ خان زہری ، بنجائی وزیر اطلاعات و نشریات سینیٹر پرویز رشید و قومی سلامتی نا سلاہکار ناصر جنجوعہ ہم اوڑتون اوار ئسر۔ وزیراعظم ٹھپی مروک آتا زوت جان جوڑی کن دعا کرے۔ وزیراعظم کوئٹہ ٹی دہشت گردی نا المناک واقعہ آن گڈ حالیت آتا جاچ ءِ ہلنگ کن داڑے سرمسوسس ہراٹی چندی بندغ آک تپاخت و ٹھپی مسر۔