مسکوہی سلاہکار خزانہ و ایم پی اے میر خالد لانگو نا کوئٹہ ٹی دہشت گردی نا واقعہ غاتیٹی قیمتی جان تا زیان آ افسوز نا درشان

کوئٹہ (پاکستان نیوز پوائنٹ 08 اگست 2016ء) مسکوہی سلاہکار خزانہ و ایم پی اے میر خالد لانگو نا کوئٹہ ٹی دہشت گردی نا واقعہ غاتا ترندی اٹ مذمت ءِ کرسا قیمتی جان تا زیان آ افسوزنا درشانی ءِ کرینے۔ تینا ہڑزخواہی کلہو اٹی اوپارے کہ دہشت گرد آک وخت اس ہم دہشت گردی ءِ ماس آن کشنگ نا السی عزم ءِ نزور کننگ کپسہ۔ مسکوہی سلاہکار خزانہ غمزدہ خاہوت آتون ہمدردی نا درشانی ءِ کرے و تپاخت کروک آتا روح انا ثواب و ٹھپی مروک آتا زوت جان جوڑی کن دعاہم کرے۔