کوئٹہ(پاکستان نیوز پوائنٹ 25مارچ2017ء) جامع بلوچستان ءِ وائس چانسلر پروفیسر ڈاکٹر جاوید اقبالءَ ایڈ منسٹریشن بلاک ءِ سرجم بوؤکیں دیمر وی منصوبہ ءُُ فوارہ آبشار ءِ افتتاح کرتگ۔ اے موہ ءَ ڈین فیکلٹیز ، سینئر استاد، جامعہءِ رجسٹرار، ٹریژرار، ڈی جی انجینئرنگ ، افیسران ءُُ ملازم آنی بازیں کساس ہم ھوار ات۔ وائس چانسلر ءَ افتتاحی دیوان ءَ تران کنگءَ گشتگ کہ وانگ ءُُ زانگءُُ پٹ ءُُ پولی ترندی ءِ گوں ھواری ءَ جامعہ ءِ افراسٹریکچر ءِ براھداری ءُُ دیمروی منصوبہ وھدے ءِ جیڑھ آنی ردا کنگءَ انت۔
مرچی جامعہ بلوچستان ملکی یک ہم برزیں وانگی ادارگ ءَ کم نیست انت۔ پرچاکہ برزیں وانگءِ پجارینگءِ ھاتر ءَ یک براھداریں چاگرد باز المی انت۔ پرچاکہ آھاں وانگی ادارگ ءَ چاگرد ءَ شر انسانی وسیلگ ءُُ علم ءَ دیمروی دئیگءَ انتءُُ جامعہ بلوچستانءِ استاد، ملازم ءُُ نو در بر آں ثابت کرتگ انتکہ ماں وتی ادارگ ءَ دیمروی دات کن انت۔ آئی ءَ گشتگ کہ جامعہ ءِ درتیں اکیڈمک ترندی ءُُ دیمروی منصوبہ آں ہما وھدءُُ لڈ ءُُ بند داتگیں شیڈول ءِ ردا سرجم کنگءَ انت۔ ءُُ اے سسٹم ءِ دائرہ ءَ درستیں منصوبہ آن پورا کنگ بیت ءُُ رواں سال ہمے وڑ ءَ بر قرار دارگ ءَ جامعہ ءَ نوکیں جیڑھ آں آراستہ کنگءِ ھواری ءَ نو در بر آں یک شریں چاگرد ءَ برزیں وانگ ءِ موہ دئیگ بیت۔
