نصیر آباد اٹی متکن ءُ دشمنی سے نا بناء آ سلہہ بند بندغ آک سم کاری کرسا اسہ بندغ اسینا خون ءِ کریر

ڈیرہ مراد جمالی(پاکستان پوائنٹ نیوز 03 -اگست 2016ء) نصیر آباد نا علاقہ ٹی متکن ءُ دشمنی اسینا بناء آ سلہہ بند بندغ آک سم کاری کرسا اسہ بندغ اسینا خون ءِ کریر و موقع آن نرار۔ پولیس نا رداٹ چارشنبے آ نصیر آباد نا علاقہ پولیس تھانہ باباکوٹ نا دنگ اٹی متکن ءُ دشمنی اسینا بناء آ سلہہ بند بندغ آک سم کاری کرسا صابر پنی ءُ بندغ اسینا خون ءِ کریر و موقع واردات آن نرار۔ پولیس ءِ احوال ملنگ تون موقع غا سرمرسا لاش ءِ ہندی ہسپتال آ گدریفیر ہراڑے المی کارروائی آن گڈ لاش ءِ اوفتا وارث آتا حوالہ کریر۔ پولیس مقدمہ ءِ درج کرسا دوبہ دارآتا پٹنگ نا بناءِ کریر۔