کوئٹہ بروری روڈ فیصل ٹاؤن اٹی نادرست سلہہ بند بندغ آتا سم کاری آن سینئر وکیل تپاخت کرے

کوئٹہ(پاکستان پوائنٹ نیوز 02 -اگست2016 ء) کوئٹہ نا علاقہ بروری روڈ آ فیصل ٹاؤن اٹی نادرست سلہہ بند موٹرسائیکل سوارآک گاڈی آ سم کاری کرسا سینئر وکیل نا خون ءِ کریر و نرار۔ پولیس نا رداٹ سے شنبے آ کوئٹہ نا علاقہ بروری روڈ فیصل ٹاؤن نا خڑک نادرست سلہہ بند موٹرسائیکل سوارآک سینئر وکیل بلوچستان ہائی کورٹ جہانزیب نا گاڈی آ سم کاری کرسا اونا خون ءِ کریر و نرار۔ پولیس ءِ احوال ملنگ تون جاگہ غا سرمرسا لاش ءِ ہندی ہسپتال آ گدریفیر المی کارروائی آن گڈ لاش ءِ اوفتا وارث آتا حوالہ کریر۔ پولیس و سیکورٹی فورسزآک علاقہ نا ناکہ بندی ءِ کرسا دوبہ دارآتا پٹنگ نا بناءِ کریر۔