راج اٹی زالبول تون ہروڑنا امتیازی برتاؤ ءِ چٹفنگ آن راج جنت اس جوڑ مننگ کیک ، طاہرہ اورنگزیب

اسلام آباد(پاکستان نیوز پوائنٹ 08مارچ2017ء) مسلم لیگ (ن) نا باسک قومی اسمبلی طاہرہ اورنگزیب پارینے کہ راج آن زالبول تون ہروڑنا امتیازی برتاؤ چٹے تو ننا راج جنت اس جوڑ مننگ کیک انتئے کہ اللہ ہم نیاڑی ءِ لمہ ، ایڑو مسڑ کون آ بڑزکو رتبہ تسنے۔ چارشنبے نا دے قومی اسمبلی ٹی طاہرہ اورنگزیب جہانی یوم زالبول نا بابت ہیت کرساپارے کہ اسلامی تعلیم تا رداٹ ہردے نیاڑی تا دے مریک انتئے کہ اللہ جنت ءِ لمہ نا نت تا کیرغ آن تخانے ۔ اگہ نن نیاڑی تا عزت ءِ کین و اوفتے احساس ایتن کہ چناتیٹی ہچ ءُ پرخ اس اف تو ننا راج جنت اس جوڑ مریک۔