نیشنل ہائی وے اتھارٹی کونسل نا ہر سال اسہ وار دیوان ءِ اڈتننگ المی ءِ بنجائی وزیر شیخ آفتاب احمد نا قومی اسمبلی ٹی توجوہ مبذول نوٹس آ ورندی

اسلام آباد(پاکستان نیوز پوائنٹ 08مارچ2017ء) قومی اسمبلی ءِ پاننگانے کہ نیشنل ہائی وے اتھارٹی کونسل نا ہر سال اسہ وار دیوان ءِ اڈتننگ المی ءِ ولے بدقسمتی اٹ دسمبر 2014ء آن دا دیوان اڈ ہلنگ کتنے، دیوان ءِ بٹنگ انگ نا اختیار مواصلات نا بنجائی وزیر تون ءِ، وزیراعظم اان دیوان ءِ بٹنگ انگ نا خواست کننگک۔ چارشنبے نا دے قومی اسمبلی ٹی اعجاز جاکھرانی نا نیشنل ہائی وے اتھارٹی نا کونسل نا جنوری 2014ء آن داوخت اسکان دیوان اڈ ہلپننگ نا بابت توجوہ مبذول نوٹس نا ورندی ءِ ترسا بنجائی وزیر شیخ آفتاب احمد پارے کہ ہرسال نیشنل ہائی وے اتھارٹی (این ایچ اے) کونسل نا دیوان ءِ اڈترفنگ المی ءِ۔

ا و پارے کہ دیوان ءِ بٹنگ انگ وزیر مواصلات نا زمواری ءِ۔ سیکرٹری فنانس ، سیکرٹری ڈٹ بندی و سیکرٹری مواصلات داناباسک آک ءُ ۔ چیئرمین این ایچ اے دانا بطور سیکرٹری کاریم کیک۔ جنوری 2014ء آن پد بد قسمتی اٹ کونسل نا دیوان اڈ ہلتنے۔ توجوہ مبذول نوٹس آاعجاز جھاکرانی ، رمیش لال و سید غلام مصطفی شاہ نا سوج آتا ورندی ٹی بنجائی وزیر شیخ آفتاب احمد پارے کہ ملکی حالیت آتا سوب وزیراعظم نا اختہ ہی بھاز زیات ءِ ۔ ہندا سوب ءِ کہ اودے دیوان ءِ بٹنگ انگ نا وخت ملنگ کتنے۔ وزیراعظم آن این ایچ اے کونسل نا دیوان ءِ بٹنگ انگ نا خواست کننگک۔