محکمہ مذہبی امور بین العقائد ہم آہنگی بلوچستان نا کنڈآن 33می صوبائی مقابلہ حسن قرات نا اڈتننگ

کوئٹہ(پاکستان نیوز پوائنٹ 06مارچ2017ء) محکمہ مذہبی امور بین العقائد ہم آہنگی بلوچستان نا کنڈآن 33می صوبائی مقابلہ حسن قرات اڈ ہلک۔ داوخت آ ضلعی کہول آ اڈ ہلوک آ مقابلہ غاتیٹی اولیکو پوزیشن ہلوک آ طالب علم آتا نیام اٹ مقابلہ مس۔ مقابلہ ٹی جج آتا فرض ءِ حافظ محمد طاہر قاری خلیل و محمد دین انجام تسر۔ اڈ ہلوک آ مقابلہ نا مہمان خاص ایڈیشنل سیکرٹری حج و اوقاف احمد خان بزدار ئس۔ مقابلہ نا دود اٹی عطاء الرحمان خلجی ، ڈپٹی چیف ایڈمنسٹریٹر اوقاف، قاری عبدالرشید مولانا محمد شفیق دولت زئی و ڈی ایس مذہبی امور نورمحمد سومرو آن بیدس طالب علم آتا بھلو کچ اس بشخ ہلک۔