اسلام آباد(پاکستان نیوز پوائنٹ 06مارچ2017ء) قومی اسمبلی ءِ پاننگانے کہ پاک ایران گیس پیپ لین ڈٹ آ کاریم ایران آ جہانی پابندی تا سوب آن سلوک ءِ ، ایران تینا بشخ اٹی 250کلو میٹر پیپ لین شاغنگ نا ڈٹ ءِ ہم پورو کتنے۔ دوشنبے نا دے قومی اسمبلی نا دیوان اٹی وقفہ سوج آتیٹی وزارت دیر و بجلی نا کنڈآن اسہ سوج اسے نا ورندی ٹی شیخ آفتاب احمد ایوان ءِ پارے کہ پاک ایران گیس پیپ لین ڈٹ انا معاہدہ نا رداٹ ایران پاکستان اٹی گیس پیپ شاغنگ آ پنجا کروڑ ڈالر تروئی ئس ولے او تینا علاقہ ٹی ہی داوخت اسکان کاریم ءِ پورو کننگ کتو۔
ہنداخاطران معاہدہ نا روآن او پاکستان ءِ جرمانہ خلنگ کپک۔ حکومت پاکستان ایران پاکستان گیس پیپ لین ڈٹ آ عملدرآمد کننگ کن کوشست کننگ ءِ۔ پاکستان نا ڈل ایران نا دورہ کننگ نا ڈٹ بندی کننگ ءِ ہراڑکن مجاز کمامدارآتیان منظوری خواہنگانے۔ ایران تون مذاکرات نا کمک اٹ جملہ ایسر نا چاری ویل آتا ایسر مننگ تون ہی ڈٹ آ کاریم نا بناء کننگک ۔ ایران آن درآمد کروک آ گیس انا معاہداتی کچ 750ملین مکعب کیوبک فٹ ہردے مریک۔ حکومت پاکستان ایران پاکستان گیس پیپ لین ڈٹ انا پابند ءِ۔ ایران آ جہانی پابندی نا ہرفنگ تون کاریم بناء کیک۔ نعیمہ کشور خان نا سوج انا ورندی ٹی پاننگاکہ ضلع مردان اٹی پارلیمنٹ نا باسک آتا سفارش آتیا گیس نیٹ ورک شاغنگ کن سروے کننگ انگ ءِ۔
