پی ایس ایل فائنل نا اڈتننگ آن قوم ءِ بھلو وخت اسے آن پد سیل و سوات نا موقع ملا، وحید عالم

اسلام آباد(پاکستان نیوز پوائنٹ 06مارچ2017ء) مسلم لیگ (ن) نا راہشون وحید عالم پارینے کہ لاہور اٹی پاکستان سپر لیگ نا فائنل نا اڈتننگ آن قوم ءِ بھلو وخت اسے آن پد سیل و سوات نا موقع ملانے۔ ریڈیو پاکستان تون ہیت وگپ کرسا اوپارے کہ ننا مخالف آک گوازی تے مون آ دننگ خواپسہ ولے وزیراعظم محمد نواز شریف و وزیراعلیٰ پنجاب شہباز شریف نا کوشست آتیان پی ایس ایل نا پرامن اڈتننگ ممکن مسنے۔ اوپارے کہ نن پر اومیت اُن پاکستان اٹی جہانی گوازی تے کن کسر ملنگانے و دنیا ءِ صفاءُ کلہو اس ملانے کہ پاکستان اسہ پرامن ملک اسے ۔ وحید عالم پارے کہ پاکستان اٹی پی ایس ایل نا فائنل نا اڈتننگ آن قوم ءِ بھلو وخت اسے آن پد سیل و سوات نا اسہ موقع اس ملانے۔