اسلام آباد(پاکستان نیوز پوائنٹ 06مارچ2017ء) پاکستان مہمند ایجنسی ٹی پاک فوج انا سیمی چوکی تیا سیم پار آن دہشت گرد جلہو اٹی 5ورنا و خیبر ایجنسی ٹی اسہ ورنانا شہیدی نا واقعہ نا ترندی اٹ مذمت ءِ کرسا اوغان حکومت تون شدید برانز کرینے۔ دوشنبے نا دے دفترخارجہ نا کنڈآن جاری بیان نا رداٹ اوغانستان نا ڈپٹی ہیڈ آف مشن ءِ دفترخارجہ غا بٹنگسا دا واقعہ غا پاکستان نا شدید گڑتی آن معلومدار کننگا و اوغان حکومت آ زور شاغنگاکہ او دا واقعہ غاتا جاست وپاست ءِ کے و داوڑنا واقعہ غاتا توننگ کن تینا گل زمین آن کارروائی کروک آ دہشت گرد آتا برخلاف سخت کارروائی کے۔
دہشت گرد و عسکریت پسند آتا سیم پار ہن وبر ءِ توننگ کن موثر سیمی بست و بند کن اوغانستان نا کنڈآن کمکاری نا گرج آ ہم زور شاغنگا۔
