کوئٹہ (پاکستان پوائنٹ نیوز 02 -اگست2016 ء) تربت نا علاقہ ہوشاب اٹی فرنٹیئر کور بلوچستان و دہشت گرد آتا نیام اٹ اسہ ایلو آ سم کاری آن پد کالعدم تنظیم نا اہم کمانڈر تون اوار مسہ دہشت گرد تپاخت، دہشت گرد آتا کاریم اٹ4ٹھکانہ بھس و 7شکبر بندغ دزگیر، بھلو کچ اسے ٹی سلہہ دوئی کریر۔ ترجمان ایف سی نا رداٹ فرنٹیئر کور بلوچستان و کانود نافذکروک آ ادارہ غاک تربت نا علاقہ ہوشاب اٹی دہشت گرد آتا ساڑی مننگ نا احوال آ سرچ آپریشن کریر۔
اسہ ایلو آ سم کاری ٹی کالعدم تنظیم نا اہم کمانڈر تون اوار 3دہشت گرد تپاخت، کارروائی نا وخت آ دہشت گرد آتا کاریم اٹ اتوک آ 4ٹھکانہ بھس 7شکبر بندغ دزگیر ، دہشت گرد آتاٹھکانہ غاتیان 2ایس ایم جی ، 4رائفل، 3شارٹ گن سد آ راؤنڈز و ریاست مخالف لیٹریچر ، منشیات و ایلو تخریب کاری مواد دوئی کریر، تپاخت و دزگیر دہشت گرد آک ٹارگٹ کلنگ و سیکورٹی فورسزآتیا جلہو و سرکاری ماڑی تے نسخان رسیفنگ اٹی اوڑدہ ئسر۔
