اسلام آباد(پاکستان نیوز پوائنٹ 28فروری2016ء) وزیراعظم محمد نواز شریف دہشت گردی نا برخلاف جنگ اٹی پاکستان کن چین نا سفارتی و مادی مخ تفی نا خیرمقدم ءِ کرینے۔ او چین نا ایگزیکٹو نائب وزیر خارجہ ژی ژوئی ژان تون ہیت وگپ کریکہ ہراک سے شنبے آ داڑے وزیراعظم ہاؤس اٹی اوڑتون اوڑدہی کرے۔ وزیراعظم چین نا کنڈآن ہروڑنا حالیت آتیٹی مخ تفی آ چین نا سروکی و الس نا منت واری ءِ ادا کرسا پارے کہ ہر گدرینگوک آ دے اتون پاکستان و چین نا نیام اٹ تعلقداریک پین سوگو مننگ ءُ۔
اونیو کلیئر سپلائرز گروپ و یواین ایس سی 1267 کمیٹی نا معاملہ غا پدریسہ مخ تفی آ چینی حکومت نا منت واری ءِ ادا کرے۔ وزیراعظم پارے کہ پاکستان و چین آئرن برادرءُ و چین اتون سنگتی پاکستان نا خارجہ پالیسی تابنداوی محورءِ۔ اوپارے کہ چین پاکستان اکنامک کوریڈور (سی پیک) گیم چینجر اسے ہراڑآن ڈیہہ نا ارب آ خلقت نا زند بدلینگ انگ والا ءِ۔ اوای سی او کانفرنس اٹی خصوصی سلہ غا السی جمہوریہ چین نا حکومت نا نمائندہ نا وڑاٹ ایگزیکٹو نائب وزیر خارجہ نا شرکت آ اودے بخیرٹ پارے۔
اوپارے کہ کانفرنس نا سرحال”علاقائی شونہالی کن رابطہ “ ءِ ہراکہ چین نا ون بیلٹ ون روڈ انا تصور آن ہم آہنگ ءِ۔ اوپارے کہ اقتصادی راہداری آن ای سی او ریجن و داکان مون اسکان کن تذویراتی بھرم تا چرجوئی ٹی وارخواہی ودی مریک ۔ وزیراعظم محمد نواز شریف پارے کہ او چین نا صدر لی شن پنگ نا سلہ غا بیلٹ اینڈ روڈ فورم فارانٹرنیشنل کوآپریشن اٹی شرکت کن مئی ٹی چین نا دورہ ءِ کیک۔ اوڑدہی ٹی پاکستان اٹی چین نا سفیر سن وئی ڈونگ، ایشیائی امور نا ڈائریکٹر جنرل ژوکیان و ایشیائی بشخ انا قونصلر شین فنگ آن بیدس وزیراعظم نا خصوصی کمکار امور خارجہ طارق فاطمی ، وزیراعظم نا سیکرٹری فواد حسن فواد، سیکرٹری خارجہ تہمینہ جنجوعہ و ایلو بڑزکو کمامدارآک ہم ساڑی ئسر۔
