اسلام آباد(پاکستان نیوز پوائنٹ 28روری2016ء) آڈیٹر جنرل آف پاکستان رانا اسد امین بیجنگ اٹی چین نا آڈیٹر جنرل لیوجیائی تون اوڑدہی کرے ہراٹی ہڑتوم آ ملک آتا نیام اٹ کمکاری ٹی ودکی تون اوار تین پہ تینی است خواہی نا معاملہ غاتیا خیال آتا درشانی ءِ کننگا۔ اوڑدہی ٹی تین پہ تینی کہول آ رابطہ، شعبہ آڈٹ نا افسر آتا درشانی و اوفتا کاریم نا کچ اٹی ودکی تون اوار ایلو معاملہ غاتیا خیال آتا درشانی ءِ کننگا۔
داوخت آ مفاہمت نا یات داشت آتیا ہم دستخط کننگا۔ چین نا آڈیٹر جنرل لیوجیائی داوخت آ خیال آتا درشانی ءِ کرسا پارے کہ ہڑتوم آ ملک آتا آڈٹ نا ادارہ غاتا نیام اٹ خڑکی کمکاری نا گرج ءِ۔ آڈیٹر جنرل آف پاکستان تینا چینی ہم منصب نا منت وار ی ءِ ادا کرسا پارے کہ اونا چین نا دورہ غان ہڑتوم آ ملک آتا نیام اٹ تعلقداریک پین سوگو مریرہ۔ اوتینا چینی ہم منصب ءِ دورہ پاکستان نا ہم سلہ خلک۔ چین اٹی پاکستان نا سفیر مسعود خالد ہڑتوم آ ملک آتا نیام اٹ مفاہمت نا یات داشت آتا خیرمقدم ءِ کرسا اودے ہڑتوم آ ملک آتا نیام اٹ تعلقداری تے پین سوگو جوڑ کننگ نا کنڈا اہم ءُ پیش رفت اس گوندا۔
