پاکستان و آسٹریلیا نا نیام اٹ ارٹ میکو ٹیسٹ 26دسمبر آن بناء کیک

میلبورن(پاکستان نیوز پوائنٹ 20دسمبر2016ء) پاکستان و آسٹریلیا نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا ارٹ میکو ٹیسٹ 26دسمبر آن میلبورن کرکٹ گراؤنڈ اٹ بناء کیک۔ آسٹریلیا ءِ پاکستان نا برخلاف مسہ میچ آتا سیریز اٹی1-0 نا برتری دوئی ءِ۔ کینگروز پاکستان ءِ اولیکو ٹیسٹ میچ اٹی 39 رنز اٹ شکست تسوسس۔ پاکستانی ٹیم مصباح الحق نا سروکی ٹی پٹ اٹی دڑنگک وخت اس کہ آسٹریلوی ٹیم نا کیپٹنی نا فرض ءِ سٹیون سمتھ انجام ایتک۔ دا میچ ڈے اس مریک و پاکستان نا معیاری وخت انا رداٹ 4بجہ ءُ 30منٹ آ بناء کیک۔ یات سلے کہ ہڑتوم آ ٹیم تا نیام اٹ مسٹ میکو و آخریکو ٹیسٹ 3 آن 7جنوری اسکان سڈنی ٹی گوازی کننگک۔