ترکی اچ نافذ ایمرجنسی دی مدت اچ ترائے مہینے دی توسیع

برلن(پاکستان نیوزپوائنٹ19جنوری2018ء) ترک پارلیمان ملک اچ2016 دی فوجی بغاوت دے بعد نافذ کیتی ونجنڑ آلی ایمر جنسی دی مدت اچ ترائے مہینے دی توسیع کر ڈتی اے ۔ امریکی نشریاتی ادارے سی این این دے مطابق ترک پارلیمان ملک اچ2016 دی فوجی بغاوت دے بعد نافذایمرجنسی دی مدت اچ اے توسیع چھیویں واری کیتی اے ۔ ہنگامی حالت دے نفاذ اچ اجوکی توسیع دا مطلب ہے جو ترکی نیڑے ہک سال چھی مہینے ایمرجنسی رول دے ماتحت رہسی ۔ایں قانون دے تحت ملکی صدر تے حکومت پارلیمنٹ کوں نظر انداز کریندے ہوئیں نویں قانون دی منظوری ڈے سگدے ہن ۔