اسرائیلی حملیں دا جواب ڈیونڑ کیتے تیار ہوں ، لبنان

اسرائیلی حملیں دا جواب ڈیونڑ کیتے تیار ہوں ، لبنان

بیروت (پاکستان نیوزپوائنٹ18جنوری2018ء) لبنانی مسلح فوج دے سربراہ جنرل جوزف آون آکھیے جو اساں اسرائیلی حملے دا جواب ڈیونڑ کیتے تیار ہوں ۔لبنان دے نشریاتی ادارے دے مطابق بیروت اچ مسلح فوج دے سربراہ مختلف ملکاں دے لبنان اچ فوجی مشن تے مشتمل وفد نال ملاقات اچ ”اسرائیل توں خطرات “ تے دہشت گرد تنظیم داعش دے خلاف گزریل سال سر انجام ڈتے گن“کوہساراں دی سویل “ ناں دے اپریشن بارے ڈسیندے ہوئیں آکھیا جو2006اچ اسرائیل اتے حزب اللہ وچال 34 ڈینہاں تئیں جاری رہنڑ آلی جنگ دے حوالے نال اقوام متحدہ دی سلامتی کونسل دیاں قرار دادتے عمل درآمدکیتے کوششاں کیتیاں ویندیاں پن۔

انہاں آکھیا جو اساں جنوبی سرحدا ں تے اقوام متحدہ دی امن فورس تے ایندی 1701قرارداد دے نال رابطے کوں ودھا تے استحکام کیتے کوشاں ہوں ۔ایندے علاوہ اساں اسرائیل توں کہیں وی ممکنہ حملے دا جواب ڈیونڑ کیتے تیار ہوں ۔