ڈنمارک دے 2 جزیریں وچال ریلوے پل تے حادثہ ،6بندے ہلاک 16زخمی

ڈنمارک دے 2 جزیریں وچال ریلوے پل تے حادثہ ،6بندے ہلاک 16زخمی

کوپن ہیگن (پاکستان پوائنٹ نیوز 04 جنوری 2019ء) ڈنمارک اچ ریل دے حادثے اچ 6 بندے ہلاک تے 16زخمی تھی گن ۔ ڈینش ریل کمپنی ڈی ایس بی ڈسائے جو اے حادثہ اوں پل تے پیش آئے جیرھی ڈو جزیریں کوں رلیندی اے ۔ کمپنی دے ہک اعلیٰ نمائندے دے مطابق6 لوکاں دی ہلاکت دی تصدیق تھی چکی اے ۔ مقامی میڈیا دیاں رپورٹاں دے مطاقب حادثے دے وقت سمندر اچ بہوں تکھیاں ہوائیاں گُھلدیاں پیاںہن تے ہک مال بردار ریل گاڈی دی بوگھی دی چھت اڈ تے مخالف سمت اچ آونڑ آلی ریل گاڈی نال ٹکرا گی ۔ مشرقی اتے مغربی ڈنمارک وچال سمندر اچ 18 کلومیٹر لمبے اے پل مرکزی جزیزرے زی لینڈ کوں نیڑے جزیرے فونین نال رلیندے ۔