امریکا اچ برفانی نال طوفان تباہی، 18 انچ فی گھنٹہ تئیں برف باری،ہزاراں فلائٹس منسوخ، تعلیمی ادارے بند کرڈتے گن

نیویارک(پاکستان نیوزپوائنٹ19جنوری2018ء) امریکا اچ برفانی طوفان تباہی مچاڈتی اے ، ہزاراں فلائٹس منسوخ کر ڈتیاں گیاں نظام زندگی درہم برہم تھی تے رہ گے۔ امریکی نشریاتی ادارے دے مطابق نیو انگلینڈ سمیت کئی ریاستاں طوفانی وکیڑ اچ ان انہاں ڈینہاں 18انچ فی گھنٹہ برف باری تھیندی پئی اے جیں پاروں زمینی تے ہوائی ٹرانسپورٹ دا نظام معطل تھی تے رہ گے ۔ہزاراں پروازاں منسوخ کر ڈتیاں گن ۔ نیو انگلینڈ دے مشرقی حصے اچ برف باری نال پورے علاقے چادر ولھیٹ گھدی اے۔ ”برفانی بم“ طوفاناں تے بارشاں توں وی خطرناک ثابت تھے ۔سکول کالج سارے تعلیمی ادارے بند کرڈتے گن۔ پولیس ولوںکار سواراں کوں گھراں توں نکلنڑ ویلھے احتیاط کرنڑ دی ہدایت کر ڈتی گی اے ۔