ماہرین فلکیات زمین دے حجم دا سیارہ دریافت کر گھدا ،نویں سیارے دا ناں راس 128بی رکھیا گیا

لندن (پاکستان نیوزپوائنٹ16نومبر2017ء) ماہرین فلکیات زمین دے حجم دا ہک ٹھڈا سیارہ دریافت کر گھدا ،نویں سیارے دا ناں راس 128بی رکھیا گیا ہے ۔سائنس داناں دے مطابق اے کائنات اچ زمین دے علاوہ زندگی دی تلا ش دا عمدہ ہدف ثابت تھی سگدا ہے ۔ برطانوی نشریاتی ادارے دے مطابق اے سیارہ زمین توں صرف 11 نوری سال پرے واقع ہے تے ایں اعتبار نال ہنڑ تئیں شمسی نظام توں باہر دریافت تھیونڑ آلا ڈوجھا نیڑے دا سیارہ ہے ۔ساریں توں نیڑے سیارہ پروکسیمابی تاں جو او زندگی سانگے نا موزون ہے ،کیوں جو ایندا مدار اپنڑے ستارے دے نیڑے ہے ایندے تے خطر ناک تابکار ی دا مینھ وسدا رہندے ۔ایندے مقابلے اچ راس 128بی دا ستارہ ( راس 128) زیادہ فعال کائنی ۔