نیویارک (پاکستان نیوزپوائنٹ16نومبر2017ء) اقوام متحدہ آکھیا ہے جو افغانستان اچ اجوکے سال پوست دی کاشت اچ 2016دی نسبت 87 فیصد ودھارا تھیا ہے ۔ برطانوی نشریاتی ادارے دے مطابق افغانستان اچ ہنڑ رنہاں علاقیںا چ پوست کاشت کیتی ویندی ہے جتھاں پہلے ایندی کاشت نہ ہوونڑ دے برابر ہئی ۔ اقوام متحدہ دے ادارہ برائے جرائم و منشیات (یو این او ڈی سی) دے مطابق 2016اچ پوست دی کاشت آلے صوبیں دی تعداد 21 توں ودھ تے 24 تھی گی ہے ، جیرھے صوبیں اچ پوست دی کاشت اچ ودھار ا تھیا ہے انہاں اچ غزنی، سمنگان اتے صوبہ نورستان شامل ہن۔
اقوام متحدہ دی رپورٹ دے مطابق صوبہ غزنی پچھلے عشریں توں جڈاںنورستان پچھلے ہک عشرے توں پوست دی کاشت توں پاک ہن ۔رپورٹ دے مطابق پوست کاشت کرنڑ آلے صوبیں اچ سر فہرست صوبہ ہلمند ہے جڈاں جو صوبہ قندھار، بادغیس، فاریاب، ا ±روزگان، ننگرہار، فراہ، بلخ، نیمروز اتے بدخشان بالترتیب پہلے نمبریں تے ہن۔ رپورٹ اچ انکشاف کیتا گیا ہے جوصوبہ ہلمند اچ پوست دی کاشت اچ 79 فیصد، بلخ اچ 50 فیصد، قندھار اچ 37 فیصد، نمروز اچ 116 فیصد اور اروزگان اچ 39 فیصد ودھارا تھیا ہے۔
