عالمی درجہ حرارت اچ ودھارے دے خلاف صرف پیرس معاہدہ ناکافی ہے ،جرمن چانسلر

برلن (پاکستان نیوزپوائنٹ16نومبر2017ء) جرمن چانسلر انجیلا میرکل آکھیا ہے جو زمین دے درجہ حرارت اچ ودھارے کوں روکنڑ سانگے پیرس اچ طے پاونڑ آلا عالمی ماحولیاتی معاہدہ کافی کائناں ہوسی ۔جرمن خبر رساں ادارے دے مطابق انہاں آکھیا جو اے معاہدہ انہاں آکھیا جو اے معاہدہ صرف آغاز ہے ہنڑوی مزید اقدامات دی ضرورت ہے ۔جرمنی دے شہر بون اچ جاری عالمی ماحولیاتی کانفرنس دے شرکا توں خطاب کریندے ہوئیں انجیلا مرکل آکھیا جو مقررہ ماحولیاتی اہداف صرف پیرس معاہدے نال ہی حاصل کائنی تھی سگدے ۔کانفرنس اچ ساری دنیا توں ڈو سو ملکاں دے وزیر تے اعلیٰ مندوبین شرکت کریندے پن ۔