انقرہ (پاکستان نیوزپوائنٹ26اکتوبر2017ء) ترکی دی سابق وزیر داخلہ اتے پارلیمان دی سابق ڈپٹی سپیکر میرل اکسنیرنویں جماعت بنڑ اگھدی ہے تے 2019اچ تھیونڑ آلے صدارتی انتخابات اچ صدر رجب طیب اردوآن دے مقابلے اچ میدان لہنڑ دا اعلان کر ڈتا ۔عرب ذرائع ابلاغ دے مطابق 61 سالہ میرل اکسنیر انقرہ اچ ہک اجلاس اچ وسطی ، سجی بانہہ دی جماعت چنگی پارٹی دے قیام دا اعلان کیتا ہے ۔
میرل اکسنیر اپنڑی جماعت دے تاسیسی اجلاچ اچ آکھیا ہے جو او صدر اردوان دے خلاف آندے صدارتی انتخابا ت اچ حصہ گھندیاں پیاں ہن ۔ایندی جماعت دے بانیاں اچ ایں سال دے شروع اچ ترکی دی قوم پرست جماعت نال تعلق تروڑ ڈیونڑ آلے پارلیمان دے ارکان وی شامل ہن ۔ترک پارلیمان دے انہاں ارکان اپنڑی سابقہ قوم پرست جماعت ولوں صدر اردوان دی ریفرنڈم اچ حمایت دی مخالفت کیتی ہئی تے جماعت دے ایں فیصلے تے کاوڑ دا اظہار کریندے ہوئیں انجھ تھی گے ہن ۔
