نیویارک (پاکستان نیوزپوائنٹ26اکتوبر2017ء) بنگلہ دیش اچ روہنگیا پناہ گزیناں دی تعداد 6 لکھ توں ودھ گی ہے ۔اقوام متحدہ دے ترجمان خمیس کوں ڈسایا جو میانمر دی ریاست رخائن توں 25 اگست توں ہنڑ تئیں6 لکھ 4 ہزاربندے مڈی بسترے چاتے بنگلہ دیش پج گے ہن ۔انہاں آکھیا جو 5لکھ 70ہزار پناہ گزیناں کوں خوراک تے ترائے لکھ 10ہزار لوکاں کوں طبی سہولتاں ڈتیاں گیاں تاں جو صفائی دی ناقص صورت حال پاروں پناہ گزیناں دے کیمپاں اچ بیماریاںدا خطرہ ہے۔
روہنگیا پناہ گزیناں کوں امداد دی فراہمی سانگے اقوام متحدہ ڈونرز کانفرنس دے انعقاد دے ذریعے 344ملین ڈالر دے عطیے جمع کیتے ہن ۔میانمار دی فوج سخت ظلم کریندے ہوئیں 6لکھ توں ودھ روہنگیا مسلماناں کوں ملک بدر کرنڑ تے مجبور کر ڈتا ۔ بنگلہ دیش اچ اقوام متحدہ دے تعینات سفیر دے مطابق اکتوبر توں گھن تے ہنڑ تئیں 6لکھ بندے سرحد پار کرتے بنگلہ دیش اچ داخل تھی گے ہن ۔
