واشنگٹن(پاکستان نیوزپوائنٹ30اکتوبر2017ء) وفاقی وزیر مذہبی امور اتے بین المذاہب ہم آہنگی سردار محمد یوسف آکھیا ہے جو پاکستان اچ اقلیت کوں پورے حق حاصل ہن تے مسلم لیگ ن دی حکومت ملک اچ بین المذاہب ہم آہنگی کوں یقینی بنڑاونڑ سانگے سارے اقدامات کریندی پئی ہے ۔انہاں آکھیا جو حج سانگے کوئی وی آئی پی کوٹہ کائنی ،ساریاں درخواستاں کوں ہکو جیہی حیثیت ڈتی ویندی ہے ،حکومت فرقہ ورانہ ہم آہنگی کوں یقینی بنڑاونڑ سانگے سارے اقدامات کریندی پئی ہے ۔
ہنڑ تئیں 36ہزار مدرسیں دی رجسٹریشن تھی گی ہے ،بئے ہزاراں دی رجسٹریشن سانگے کوششاں جاری ہن ۔اے پی پی کوں ڈتے گے انٹر ویو اچ انہاں آکھیا جو اے تاثر پاکستان اچ اقلیت کوں حقوق حاصل کائنی ہک بے بنیاد پروپیگنڈہ ہے جیرھے لوک الزام لیندے پن انہاں کوں پاکستان دے پڑوسی ملک بھارت اچ اقلیت تے کیتے ونجنڑ آلے ظلم کوں ڈیکھنڑاں چاہیدا ہے ۔ وفاقی وزیر مذہبی امور بھارت اچ مسلماناں دی حالت زار دا ذکر کریندے ہوئیں آکھیا جو گﺅں دا گوشت کھاونڑ دے شک اچ بھارت اچ مسلماناں دے قتل دے واقعات تھے ہن ،پاکستان ہندو ،بودھاں تے عیسائیاں کوں اپنڑے مقدس مذہبی تہورا مناونڑ سانگے سرکاری طور تے 10ڈینھ رکھیے ہن ۔
وفاقی وزیر مذہبی امور اور بین المذاہب ہم آہنگی آکھیا جو 2013 ءاچ جڈاں مسلم لیگ (ن) حکومت سنبھالی تاںسابق حکومت دی کرپشن پاروں تقریبا 57 ہزار دے حج کوٹے دے مقابلے اچ درخواستاں دی تعداد5 ہزارگھٹ ہئی لیکن ہنڑ درخواستاں دی تعاد ہک لکھ توں ودھ ہے جیرھا جو موجودہ حکومت دے حج انتظامات تے لوکاں دی اعتماد دی عکاس ہے ۔
