دورہ انگلینڈ اتے آئرلینڈ دے سلسلہ اچ قومی کرکٹ ٹیم آپنڑاں پہلا 4ڈینھ دا وارم اپ میچ کینٹ دے خلاف 28اپریل توں پہلی مئی تئیں کھیڈسی

لاہور(پاکستان نیوزپوائنٹ 27اپریل 2018ء) دورہ انگلینڈ اتے آئرلینڈ دے سلسلہ اچ قومی کرکٹ ٹیم آپنڑیں دورہ دی ابتدا وارم اپ میچ کھیڈ تے کریسی ۔ قومی ٹیم آپنڑاں پہلا 4 ڈینھ دا وارم اپ میچ کینٹ دے خلاف 28اپریل توں پہلی مئی تئیں لارنس گراﺅنڈ کینٹر بری اچ کھیڈسی جیہڑا جو پاکستانی وقت دے مطابق ترائے وجے شروع تھیسی ، ڈوجھا میزبان نارتھمپٹن شائر نال 4توں 7مئی تئیں تھیسی ، آئرلینڈ دے خلاف واحد ٹیسٹ میچ 11مئی کوں ڈبلن اچ شروع تھیسی ، بعد اچ لیسٹر شائر اچ ہک ٹور میچ اتے انگلینڈ دے خلاف 2طویل فارمیٹ دے میچ وی طے ہن ۔