دبئی (پاکستان پوائنٹ نیوز29 نومبر2018ء) پاکستان اتے نیوزی لینڈ دیاں کرکٹ ٹیماں وچال ترائے ٹیسٹ میچاں دی سیریز دا تریجھا اتے چھیکڑی میچ سنوار 3 دسمبر توں دبئی اچ شروع تھیسی۔ ڈوہائیںٹیماں وچال سیریز 1-1 نال برابر ہے۔ کیویزٹیم پہلے میچ اچ پاکستان کوں 4 سکور توں ہرایا جڈاں جو ڈوجھا میچ اچ پاکستانی ٹیم شاندار کم بیک کریندے ہوئیں کیویز کو ں ہک اننگز اتے 16 سکور توں ہرا تے سیریز 1-1 نال برابر کرڈتی ہائی۔
یاد رہوے جو پاکستان نیوزی لینڈ دے خلاف شیڈول چھیکڑی اتے فیصلہ کن ٹیسٹ میچ سانگے ٹیم اچ کوئی تبدیلی نہ کرنڑ دا فیصلہ کیتے۔ یاسر شاہ چنگی باﺅلنگ کریندے ہوئیں 14 وکٹاں گھن تے ٹیم کوں ڈوجھا ٹیسٹ اچ جیتوایا۔ ڈوہائیںٹیماں وچال فیصلہ کن ٹیسٹ 3 دسمبر توں ابوظہبی اچ شروع تھیسی۔ پاکستانی سکواڈ اچ کپتان سرفراز احمد، امام الحق، اظہر علی، اسد شفیق، حارث سہیل، بابر اعظم، سعد علی، محمد حفیظ، یاسر شاہ، بلال آصف، محمد عباس، حسن علی، فہیم اشرف، شاہین شاہ آفریدی اتے میر حمزہ شامل ہن۔
